“Hizbullah” Hərəkatı Livanın cənubunda İsrail qoşunlarına qarşı əməliyyat keçirdiyini və bu zaman qarşı tərəfin üç zirehli texnikasını sıradan çıxardığını bildirib.
“Bu səhər “İslam Müqavimət” qüvvələri Əli Tahir yüksəkliklərinin şimalında düşmənin zirehli və piyada tağımını pusquya salıblar. Hücum nəticəsində düşmənin üç “Merkava” tankı idarəolunan raketlərlə vurulub. Yaralıları təxliyə etmək üçün əraziyə əlavə qüvvələr göndərilib”, – məlumatda bildirilib.
“Hizbullah” iddia edir ki, Nəbatiyə şəhəri ətrafında İsrail qüvvələri ilə toqquşmalar davam edir, qarşı tərəfin Əli Tahir yüksəkliklərinə nəzarəti ələ keçirmək cəhdlərinin qarşısını alırlar.
İsrail Müdafiə Qüvvələri də bəyan edib ki, hərəkatın atəşkəsi dəfələrlə pozmasına cavab olaraq Livanın şərqindəki Beka vadisində “Hizbullah”ın hədəflərinə zərbələr endirib.
