Endokrinoloq Günay Məmmədova
Bəzən bir təbəssüm dünyanı dəyişə bilər…
Bəzən bir söz, bir baxış, bir toxunuş insanın içindəki bütün ağrıları yüngülləşdirər…
Respublika Klinik Xəstəxanasının endokrinoloqu Dr. Günay Məmmədova da məhz belə bir insandır. Onun hər səhər işə gəlişi bir şəfa qapısının açılması deməkdir. Otağından içəri girən pasiyentlər – gözlərində qorxu, içlərində min sualla gələn insanlar – bir anda onun səmimi təbəssümündə arxayınlıq tapırlar.
Dr.Günay xanımın təbəssümü təsəllidir. O, ağ xalatı ilə Bu təbəssüm, qarşısındakı insanın yüklərini yüngülləşdirir, ağrını azaldır, ümidi canlandırır. Çünki o, xəstələrinə bir orqanizmdən ibarət varlıq kimi deyil, bir həyat kimi yanaşır. Hər bir pasiyentin arxasında bir ailə, bir sevgi, bir gözləyən vardır – Günay xanım bu həqiqəti bütün varlığı ilə anlayır.
İllərlə oxumaq, öyrənmək, gecələri gündüzə qatmaq… Amma Günay xanımın uğurunun sirri təkcə biliyində deyil. Onun əsl gücü insanlığı sevməsində, empati qurmasında, içdən gələn mərhəmətindədir. Hər xəstəyə bir ana kimi yanaşır , bir bacı kimi dinləyən, bir dost kimi yol yoldaşı olan bu həkim, tibbin ən dərin fəlsəfəsini – “öncə insan” prinsipini yaşayır və yaşadır.
Onun əlləri minlərlə insana toxunub – yalnız dərini deyil, ürəkləri hiss edən əllərdir onlar. Onun səsi – pasiyentin ağrısı qarşısında bir ana nəvazişi kimidir. Onun baxışı – “narahat olma, mən buradayam” deyə içdən bir söz kimidir.
Dr. Günay Məmmədova, tibb elmini sevgi ilə birləşdirən həkimlərdəndir . Onun varlığı yalnız Respublika Klinik Xəstəxanası üçün deyil, bütöv bir cəmiyyət üçün ümid deməkdir. Onun hər sağaltdığı pasiyent, həyata bir daha sarılan bir insan deməkdir.
Bəzən həkimlər dərman yazar…Günay xanım isə qəlbə toxunar…O, tibbə ruh verən bir insandır.
O, təbəssümü ilə şəfa, səsi ilə güvən, baxışı ilə inam bəxş edir…Onun haqqında danışan hər kəsin dilində bir söz var:
“Günay həkim yalnız müalicə etmir, yaşatmağa ümid verir.”
Sözlər bəzən kifayət etmir…
Bir insanın həyatına toxunmaq, ona ümid olmaq, onu yenidən həyata bağlamaq… Dr. Günay Məmmədova isə bu missiyanı böyük sevgi və fədakarlıqla yerinə yetirir.
Dr.Günay xanım, səssiz ağ xalatlı qəhramanımız Sizin təbəssümünüz, diqqətiniz, mərhəmətiniz və sarsılmaz peşəkarlığınız hər bir insanın qəlbində dərin iz buraxır.
Dr. Günay xanım Sizə ürək dolusu təşəkkür edirik – həyatlara toxunduğunuz, sağalmağa ümid verdiyiniz və hər şeydən önəmlisi, insan olduğunuz üçün…
FİDE kandidat master
Ulkər Bağırova
