2025-ci ilin 21–25 may tarixlərində Türkiyənin Kıprız şəhərində Endokrinologiya və Metabolizma üzrə 61-ci Milli Konqres uğurla keçirildi. Türkiyə Endokrinoloji və Metabolizma Dərnəyi tərəfindən hər il təşkil edilən bu nüfuzlu tədbir, bu il də diabet, metabolik xəstəliklər və qidalanma sahəsində fəaliyyət göstərən yüzlərlə həkimi, akademiki və tədqiqatçını bir araya topladı.
Beş gün davam edən konqresin əsas məqsədi, dünyada, region və bölgələrdə diabet və metabolik xəstəliklərin müalicəsi ilə bağlı yeni elmi yanaşmaların paylaşılması, mütəxəssislər arasında fikir mübadiləsinin təşviq olunması, və elm adamlarının gələcək birgə tədqiqatlara zəmin yaratması idi. Tədbirdə iştirak edən mütəxəssislər müxtəlif sessiyalar və panellər vasitəsilə tip 1 və tip 2 diabet, hipotiroidizm və hipertiroidizm, metabolik sindrom, piylənmə, qidalanma strategiyaları, insulin müalicəsinin fərdi yanaşmaları, və genetik faktorların diabetə təsiri kimi bir çox aktual mövzu ətrafında fikir mübadiləsi apardılar.
Konqresin beynəlxalq xarakter daşıması onu daha da əhəmiyyətli etdi. Bu tədbirdə Respublika Klinik Xəstəxanasının həkimi, endokrinologiya sahəsində yüksək mütəxəssis olan Dr. Gülxanım Qurbanova, Azərbaycan səhiyyəsini ləyaqətlə təmsil edən aparıcı simalardan biri kimi konqresdə iştirak etdi.
Dr. Qurbanova konqresdə bir neçə mühüm sessiyada iştirak edərək, metabolik xəstəliklərin fərdiləşdirilmiş müalicəsində klinik yanaşmalar, diabet xəstələrinin həyat keyfiyyətinin artırılması yolları, və qidalanmanın endokrin sistemə təsiri mövzularında elmi müzakirələrə qatıldı.
Bu konqresdə Dr. Gülxanım Qurbanovanın iştirakı, təkcə şəxsi peşəkar inkişaf baxımından deyil, Azərbaycan-Türkiyə elmi və tibbi əməkdaşlığının dərinləşməsi baxımından da mühüm əhəmiyyət daşıyır. Onun təmsilçiliyi Azərbaycan səhiyyəsinin regionda və beynəlxalq aləmdə artan nüfuzunun göstəricisidir.
Konqres çərçivəsində eyni zamanda gənc tədqiqatçılar üçün xüsusi təlimlər, klinik praktikalar və elmi təqdimatlar da keçirildi. Müxtəlif mükafatlandırma mərasimləri və poster sessiyalarında iştirak edən gənc mütəxəssislər arasında həm təcrübə paylaşımı, həm də akademik əməkdaşlıq imkanları yaradıldı.
Bu mötəbər tədbir sübut etdi ki, elm müasir səhiyyənin inkişafında ən güclü vasitədir və bu əməkdaşlıq bu inkişafın təməl daşlarından biridir. Dr. Gülxanım Qurbanovanın da bu elm platformasında yer alması, həm ölkəmiz, həm də türk dünyası üçün qürurverici bir hadisə oldu.
Elm yolçularına yol yoldaşı olan Dr. Gülxanım Qurbanovaya səmimi təşəkkürümüzü bildiririk.
Uğurlarının davamlı olmasını diləyir, gələcək konqres və tədbirlərdə onu daha da yüksəklərdə görmək arzusundayıq.
FİDE kandidat master
Ulkər Bağırova
