Bu gün Respublika Klinik Xəstəxanasının fədakar, mərhəmətli və elmə könül vermiş cərrah-onkoloqu, Aytac Məmmədovanın ailəsi üçün xüsusi bir gündür – sevimli oğlu Mehdinin doğum günüdür!
Mehdi – adı kimi doğru yolun, haqqın, mərdliyin və paklığın təcəssümüdür. O, yalnız bir ailənin deyil, gələcəyin də ümididir. Ana nəfəsi ilə böyüyən, tərbiyə ilə ucalan, sevgi ilə cilalanan bir övlad olaraq, onun varlığı həyatın ən dəyərli hədiyyəsidir.
Aytac xanım! Tibb sahəsində sərf etdiyiniz zəhmət, minlərlə insana bəxş etdiyiniz şəfa qədər, ailə içində Mehdi kimi bir oğulu böyütmək də ayrı bir fədakarlıq və böyük bir səadətdir. Bu gün yalnız onun deyil, sizin də bayramınızdır. Çünki hər doğulan övlad, ana qəlbinin bir parçasıdır.
Əziz Mehdi,
Bu həyat sənin üçün daim səma qədər uca, dəniz qədər geniş, günəş qədər parlaq olsun! Atdığın hər addım səni uğura, mərifətə, kamilliyə aparsın. Hər doğum günü sənin həyatına yeni biliklər, gözəl insanlar və unudulmaz xatirələrlə dolu səhifələr yazsın.
Sənin nurun, səadətin, uğurların daim artsın. Doğum günün mübarək, gələcəyin nurlu, taleyin uğurlu olsun!
Sayğı və ehtiramla
Ülkər Bağırova
FİDE kandidat master
