Paytaxtın Nəsimi rayonunda daha bir maraqlı tikinti prosesi aparılır.
AzFakt.com xəbər verir ki, Nəsimi rayonu ərazisində yerləşən “Əcəmi Mall” Ticarət Mərkəzinin 3-cü mərtəbəsində dəmir konstruksiyalar vasitəsilə tikinti işləri həyata keçirilir. Tikinti prosesi hər kəsin gözü qarşısında aparılsa da, işlər zamanı təhlükəsizlik qaydalarına əməl edilmir.
Məlumata görə sözügedən tikintinin qanunvericiliyə uyğun müvafiq tikinti icazəsi yoxdur. Həmçinin iddia olunur ki, tikinti işlərinə Nəsimi Rayon İcra Hakimiyyətinin memarı Ələsgər Rüstəmovun “vasitəçliyi” ilə icra başçısı
Tahir Budaqov “razılıq” verib.
Bildirək ki, “Əcəmi Mall” Ticarət Mərkəzinin 2-ci mərtəbəsi bu ilin əvvəlində qanunsuz olaraq artırılmışdı. Həmin artırılma ilə bağlı Dövlət Şəhərsalma və Arxektura Komitəsinin məlumat bazasında hər hansı bir məlumat yerləşdirilməmişdi.
