Sabunçu rayonu, Sabunçu qəsəbəsi, Əsildar Məmmədəliyev küçəsi 18A ünvanında yerləşən “Araz” supermarketdə istifadəyə yararsız məhsul satılıb.
Soztv.az musavat.com-a istinadən xəbər verir ki, supermarketin vitrinlərində son istifadə tarixinin bitməsinə bir neçə gün qalan “Pınar” kolbasaları yer alıb.
“Pınar”ın “Aç bitir” adlı məhsulunun üzərində kampaniya olaraq təklif edilən “Gurme” məhslunun istifadə müddətinin bitməsinə bir neçə gün qalmasına baxmayaraq satışa çıxarılıb.
Məlum məsələdir ki, supermarketlərdə daha çox istifadə müddətinin bitməsinə az bir vaxt qalan məhsullar daha çox kampaniya kimi müştərilərə təklif olunur. Lakin bu zaman da məhsulun həqiqətən də satışa yararlı olub-olmamasını yoxlamaq lazmdır.
“Araz”da satılan bu məhsulun istifadə müddətinin bitməsinə 3 gün, bəzilərinin isə istifadə müddətinin bitməsinə 10 gün qalsa da kolbasanın artıq xarab olduğunu açıq şəkildə müşahidə etmək mümkündür.
Buradan “məhsulu alanda üzərindəki tarixə baxmaq lazmdır” sualı da çıxa bilər.
Cavab olaraq qeyd edək ki, istifadə müddətinin bitməsinə az zaman qalan “Gurme” məhsulu digər məhslun altında olduğu və lentlə bağlandığı üçün istehal tarixini və istifadə müddətinin bitməsini göstərən tarixi görmək mümkün deyil. Bunu yalnız məhsulu alıb açandan sonra müəyyən etmək mümkündür.
Məhslun istifadəyə yararsız olmasını supermarket əməkdaşları da təsdiq ediblər. Marketdən bildirilib ki, qeyd edilən kolbasa “Pınar” məhsullarının satışını həyata keçirən firma tərəfindən marketə kampaniya kimi təklif edilib. Market əməkdaşları bu məsələdə həmin firmanın günahkar olduğunu desələr də buna nəzarət etmək öhdəliyinin onlarda olmasını da etiraf ediblər. Bildiriblər ki, bütün firmalardan alınan məhsullar vitrinlərə yerləşdirilərkən onların son istifadə müddəti market əməkdaşları tərəfindən nəzərdən keçirilməlidir.
Qeyd edək ki, şikayətdən sonra adı çəkilən məhsullar vitrindən yığışdırılıb.
