Moderator.az xəbər verir ki, bu haqda “Azadlıq” radiosunun erməni bürosuna(“Azatutyun”) Regional demokratiya və təhlükəsizlik mərkəzinin prezidenti Tiqran Qriqoryan ABŞ prezidenti Donald Tramp administrasiyasının Cənubi Qafqazla bağlı gözlənilən siyasəti haqda danışarkən bəhs edib.
Politoloq bu bölgənin yeni hökumət üçün daha az prioritet ola biləcəyini istisna etmir.
Bununla belə, o bildirib ki, artıq indi ABŞ Dövlət Departamentinə bir sıra ermənipərəst təşəbbüsləri ilə tanınan Marko Rubio rəhbərlik edir. 2023-cü ildə Azərbaycanın “təcavüzündən və regionda etnik təmizləmə aparması”ndan sonra Ermənistan Müdafiə Aktına qoşulub. Sənəddə ABŞ-nin Azərbaycana hərbi yardımının dayandırılması tələb olunur.
Bundan əlavə, Tramp 2017-ci ildə oz zaman işğal altındakı Azərbaycan ərazisi olan Qarabağa səfər etmiş konqresmen Tulsi Qabbardı Milli Kəşfiyyatın direktoru təyin edib. T.Qabbard hələ 2016-cı ildə Havay adaları ştatından konqresmen kimi Qarabağdakı separatçı rejimin “müstəqilliyi”ni tanıylb.
Bununla belə, Tiqran Qriqoryan əmindir ki, fərdlər ABŞ-ın ümumi siyasətinə ciddi təsir göstərə bilməz.
“Tramp kimi liderlər üçün bu kimi amillər rol oynaya bilər, lakin ümumilikdə ABŞ-nin müxtəlif regionlardakı siyasəti yeni məmurların şəxsi baxışları ilə müəyyən edilmir.
Politoloq hesab edir ki, İrəvan bu fürsətdən istifadə edərək ABŞ administrasiyası ilə əlaqə yaratmalı və müxtəlif, o cümlədən regional məsələlərlə bağlı mövqeyini çatdırmalıdır.
