Bozqurd Türkiyem TV-nin divarlarını bəzəmək üçün sahibinə təhvil verilib.
Başda Türkiyə olmaqla, dünyada milyonlarla türk gəncinin Bozqurd rəsmlərini paylaşdığı Rəssam Süheyla Üstek möhtəşəm bir Bozqurd əsərinə imza atdı.
Rəssam Süheyla Üstek, Bozqurd sevgisi ilə tanınan Türkiyəm TV-nin ümumi direktoru İbrahim Erdem Karabulutun xahişi ilə hazırladığı bir Bozqurd tablosunu heyrətamiz böyüklükdə və möhtəşəm bir incəliklə çəkib. Bu tablo, şəxsi olaraq, çox saylı iş yoldaşlarının da qatıldığı bir tədbirdə Türkiyəm TV studiyalarında şəxsən rəssamın özü tərəfindən təqdim edildi.
Xüsusi qonaqlar və proqram çəkilişində iştirak edən işçilərin tablonun təqdim olunduğu anda heyranlıq dolu baxışları diqqətdən qaçmadı. Xüsusən, İbrahim Erdem Karabulutun İstanbuldan qonaqları olan Ayla Temizöz və Asena adlı qızlarının təsadüfən orada olması və tablonu gördükləri zaman ifadə etdikləri heyrət hissi kameralara əks olundu
İbrahim Erdem Karabulut, bu nadir Bozqurd tablosunun onun üçün özəl bir dəyər daşıdığını və indiyə kimi aldığı ən qiymətli hədiyyə olduğunu ifadə etdi. O, aylarla əziyyətə çəkilib hazırlanan bu tablonun nə maddi, nə də mənəvi dəyərinin ödənilə bilməyəcəyini vurğulayaraq Rəssam Süheyla Üstek-ə dərin minnətdarlığını bildirdi.
Sosial media hesablarında paylaşılma rekordu qıran Bozqurd rəsmlərinin müəllifi olan Rəssam Süheyla Üstek-ə aid olan şəkillər bir çox millətçi saytlar tərəfindən geniş paylaşılır. Sosial mediada paylaşılan Bozqurd rəsmlərinin çoxunun “Asena” ləqəbi ilə tanınan Rəssam Süheyla Üstek-ə aid olduğu qeyd olunur.
