“ABŞ Prezidenti Donald Tramp hələ də münaqişənin sülh yolu ilə həllinə üstünlük verir. Amma İran təcili şəkildə nüvə proqramını dayandırmaq və Hörmüz boğazını yenidən açmaq barədə razılığa gəlməsə, ABŞ yenidən İrana qarşı genişmiqyaslı zərbələr endirəcək”.
Senator bildirib ki, Tramp böhranın bütün mərhələlərində mövqeyini açıq şəkildə ifadə edib, Tehran Vaşinqtonun tələblərini yerinə yetirməyəcəyi təqdirdə yenidən hərbi gücdən istifadə edəcək:
“Trampın əsas məqsədi İranın heç vaxt nüvə silahına sahib olmamasını təmin etməkdir. Son hücumların təxirə salınması ABŞ-nin geri çəkilməsi və ya zəifliyi kimi qiymətləndirilməməlidir”.
Benks qeyd edib ki, bu qərar ancaq Tehrana danışıqlar masasına qayıtmaq və razılaşmaq üçün əlavə imkan yaratmaq məqsədi daşıyır.
Respublikaçı senator əlavə edib ki, İran hakimiyyətində iki fərqli yanaşma mövcuddur: “Bir tərəfdə sərt mövqeli hərbçilər, digər tərəfdə isə ABŞ-nin hərbi təzyiqləri səbəbindən razılaşma tərəfdarı olanlar yer alır”.
Benksin sözlərinə görə, Hörmüz boğazının yenidən açılması və İranın nüvə proqramının dayandırılması Tehranın mümkün razılaşmaya sadiqliyini qiymətləndirmək üçün əsas meyarlar olacaq:
“İran öhdəliklərini yerinə yetirməsə, Donald Tramp yenidən hərbi əməliyyatlara əmr verəcək və İran bunun nəticələrini hiss edəcək”.
