Azerbaycanda populyar rəqəmsal ödəniş platformalarından biri olan “m10” tətbiqi ilə bir sıra iri obyektlərdə ödənişlər dayandırılıb.
Yurd.Media-nın əldə etdiyi məlumata görə, xüsusilə “Bravo” supermarketlər şəbəkəsində, eləcə də bir sıra yanacaqdoldurma məntəqələrində m10 ilə ödəniş etmək mümkün deyil.
Qeyd edək ki, iyun ayının sonundan etibarən m10 tətbiqindən ABB kartlarına vəsait köçürmək, həmçinin ABB kartları vasitəsilə m10 elektron pul kisəsini artırmaq da qadağan edilib. ABB-nin “m10″la bəzi ödəniş əməliyyatlarını dayandırmasının səbəb tərəflər arasında müddəti bitən müqavilənin köhnə şərtlərlə davam etdirilməməsi olub.
Xatırladaq ki, “m10” tətbiqi “PashaPay” şirkətinin məhsuludur, Azərbaycanda nağdsız əməliyyatlar həyata keçirmək üçün yaradılan ilk elektron pulqabıdır. Onun köməyilə insanlar nağd puldan minimum istifadə edərək həyatlarını maksimum asanlaşdıracağı vəd olunurdu.
