Xaçmaz rayonunun Uzunoba kəndində yolların acınacaqlı vəziyyəti sakinlərin narazılığına səbəb olub. Bildirilir ki, 8 kəndi birləşdirən əsas yol uzun müddətdir baxımsız qalıb və hazırda demək olar ki, yararsız vəziyyətə düşüb.
Bakunews.az-a danışan sakinlərin sözlərinə görə, magistral yola çıxan əsas yol bərbad vəziyyətdə olmaqla yanaşı, Uzunoba kəndinin daxili yolları da demək olar ki, keçilməz haldadır. Yağışlı havalarda vəziyyət daha da ağırlaşır və sakinlərin hərəkəti xeyli çətinləşir.
Sakinlər bildirir ki, məsələ ilə bağlı dəfələrlə aidiyyəti qurumlara və yerli strukturlara müraciət olunsa da, indiyədək problemin həlli istiqamətində ciddi addım atılmayıb. Onların sözlərinə görə, nə bələdiyyə, nə də digər məsul qurumlar edilən müraciətlərə reaksiya verir.
Sakinlər ümid edirlər ki, məsələ ictimailəşdirildikdən sonra problemə diqqət ayrılacaq və yol məsələsi öz həllini tapacaq.
Bakunews.az olaraq məsələ ilə bağlı adı çəkilən qurumların da mövqeyini dərc etməyə hazırıq.
Mövzu diqqətimizdədir.
Soztv.az
