Qazaxıstan Prezidenti Qasım-Jomart Tokayev MDB liderlərinin fiziki hazırlığından danışıb, Azərbaycan Prezidenti İlham Əliyevin fiziki hazırlığını xüsusi qeyd edib.
Soztv.az Report-a istinadla xəbər verir ki, Tokayev bunu “Türkistan” qəzetinə müsahibəsində bildirib.
Qazaxıstan liderinin sözlərinə görə, İlham Əliyev fiziki cəhətdən güclüdür və işini bilərək daim məşq edir.
MDB-dəki digər həmkarları haqqında danışan Tokayev qeyd edib ki, Qırğızıstan Prezidenti Sadır Japarov futbol oynayır, Özbəkistan Prezidenti Şövkət Mirziyayev idman zalında məşq edir, Ermənistanın Baş naziri Nikol Paşinyan velosiped idmanı ilə məşğul olur, Belarus Prezidenti Aleksandr Lukaşenko hokkey oynamağa davam edir, “Rəhman (Tacikistan Prezidenti İmaməli Rəhman – red.) səhhətindən şikayət etmir; o, bərkimiş döyüşçü-dənizçidir”.
“Beləliklə, bütün həmkarlarım əla formadadır”, – o əlavə edib.
