Türkiyədə qəzaya uğrayan təyyarənin “qara qutu”su bu ölkədə təhlil ediləcək

Britaniya Liviyanın Baş Qərargah rəisi, general Məhəmməd Əli Əl-Həddadı daşıyan və Türkiyədə qəzaya uğrayan təyyarənin “qara qutu”sunun təhlilini həyata keçirməyə razılıq verib.
Ajans.az xəbər verir ki, bu barədə məlumatı “Asharq Al-Awsat” portalı yayıb.

Ölkənin nəqliyyat naziri Məhəmməd əl-Şahubinin sözlərinə görə, Liviya məsələni Britaniya ilə birbaşa qaydada koordinasiya edib.

Xatırladaq ki, Liviya hərbi nümayəndə heyətini daşıyan “Falcon 50” təyyarəsi dekabrın 23-də Türkiyədə qəzaya uğrayıb. Hadisə nəticəsində general Məhəmməd Əli Əl-Həddad və dörd köməkçisi həlak olub. Türkiyə tərəfi qəzaya səbəbin texniki nasazlıq olduğunu bildirib.