Bunu Yenicag.az-a açıqlamasında “Savab Dünyası Talassemiya Assosiasiyası”nın sədri Seymur Bağbanlı deyib.
O, sosial şəbəkələrdə yayılan videogörüntülərdə konfransa buraxılmamasının səbəblərini izah edib.
S. Bağbanlının sözlərinə görə, həmçinin “Talassemiyasız həyat naminə 20 il: Nadir xəstəliklər” adlı konfransa talassemiyalı şəxslər və ailələr də dəvət edilməmiş, əvəzində isə Səhər İsmayılova tərəfindən özlərinə yaxın olan və onları hər yerdə tərif edəcək Nargilə Səmədova, Esmira Rəsulova, Gülgün Abbasova adlı şəxslər dəvət edilmişdir:
“Videoda gördüyünüz şəxslər və “Savab Dünyası Talassemiya Assosiasiyası”nın rəhbərliyi dəvət edilməsələr belə, o konfransda iştirak etmək üçün oraya getdilər. Lakin konfrans zalının qapıları bizim üzümüzə bağlandı və bizə qarşı hörmətsiz rəftar edildi. Daha sonra Səhər İsmayılova çıxıb narazı kütləyə öz fikrini izah edərkən əsas gətirdi ki, bu konfrans elmi konfransdır və ancaq həkimlər var. Amma videoda da görünür ki, Səhər İsmayılovanın yalanı üzə çıxır. Amma oraya heç bir aidiyyəti olmayan şəxslərin və QHT rəhbərlərinin adı çəkilir və sual edilir ki, necə olur bütün hər kəs dəvətli olur, “lakin Savab Dünyası Talassemiya Assosiasiyası”nın rəhbərliyi dəvət edilmir?”
“Təbii ki, Səhər İsmayılova buna cavab verə bilmir, çünki səbəb bəllidir. Səbəb isə budur ki, “Savab Dünyası Talassemiya Assosiasiyası” olaraq bizim əlimizdə Səhər İsmayılovanın və onun komandasının korrupsiya faktları var. Əlavə olaraq biz bütün qanunsuz fəaliyyəti bilirik və bunu deməyə çəkinmirik. Digər şəxslər – hansılar ki, o konfransda iştirak edib və ya ora ilə əlaqələri yox idi – sadəcə reklam xatirinə dəvət edilmişdirlər, ya da sadəcə Səhər İsmayılova özünə yaxın olan və öz mənfəətləri üçün onları tərif edəcək talassemiyalı valideynləri oraya dəvət etmişdi”, – deyə o, əlavə edib.
Həmsöhbətimizin iddiasına görə, N. Quliyevanın oğlu talassemiyalı olub və 15 ildən çoxdur Azərbaycan səhiyyəsini bəyənmədiyi üçün ABŞ-də yaşamağa başlayıb:
“Hazırda Nailə Quliyeva özü də ABŞ-də yaşayır və oradan buraya müdaxilə edərək müxtəlif ödəniş terminalları vasitəsilə hesabatı ictimaiyyətə məlum olmayan talassemiyalılara dəstək adı ilə pullar toplayır. Lakin heç bir fəaliyyət ortada yoxdur və sadəcə mərkəz rəhbərliyini tərif etməklə və talassemiya adından istifadə edərək özlərini reklamla məşğuldurlar. Həmçinin Nailə Quliyevanın ABŞ-dən Bakıya uçuş və geri dönüş xərcləri də konfrans tərəfindən qarşılanıb”.
Seymur Bağbanlı əlavə edib ki, pasiyentlərdən 4-6 min rüşvət tələb edərək yatış şöbəsinə qəbul edirlər:
“Bəzi dərman preparatları həkimlərin sifarişi ilə gətirilir. Tanış xəstələrini qeydiyyatdan kənar qəbul edirlər. Mərkəzi laboratoriya müdiri Mirşahin Musayev ilə baş həkim Səhər İsmayılova isə əvvəldən “kök hüceyrə biznesi” qurublar. Qanuni şəkildə talassemiya mərkəzlərində kök hüceyrə xidməti tətbiq edilə bilməz. Bunun üçün onlara xüsusi lisenziya lazımdır. Amma bu şəxslər təyin olunandan sonra kənardan özləri üçün müştəri cəlb edir. Palata şəraitində cərrahi əməliyyatlar aparırlar. Yatış şöbənin müdiri Samirə Həsənova dəfələrlə etiraz etsə də, onu işdən çıxması ilə hədələyirlər”.
Xatırladaq ki, görüntülərdə Seymur Bağbanlı Səhər İsmayılova ilə konfliktində laboratoriyada qeyri-qanuni üsulla saxta şəkildə düzəlmiş qan analizinin yoxlanılması faktını da qeyd edib.
