“Sputnik”in Azərbaycandakı fəaliyyəti ictimaiyyət tərəfindən hər zaman ciddi suallar doğurub. Bizim müxtəlif media orqanlarında bu haqda çox ciddi faktlara əsaslanan yazılar dərc olunub. Təəssüf ki, 2015-ci ildə “Sputnik”in fəaliyytinə geniş imkanlar yaradılıb və onlar da yaradılan imkanlardan Azərbaycan əleyhinə gen-bol istifadə ediblər”.
Bu sözləri Demokrat.az-a açıqlamasında “Cümhuriyyət” qəzeti və “Cebhe.info” xəbər portalının rəhbəri, siyasi şərhçi Rəfail Becanov deyib.
O bildirib ki, Simonyanın baş redaktor olduğu bu şəbəkənin milli maraqlarımızın əleyhinə fəaliyyət göstərməsi haqqında onlarla fakt söyləmək olar:
“Amma ən maraqlı nüanslardan biri budur ki, burada bir oturuşmuş struktur mövcuddur. Nümayəndəlik, təmsilçilik, müxbir postu yox, oturuşmuş bir srtuktur, redaksiya mövcuddur. Hər hansı ölkənin, o cümlədən Rusiyanın bir media quruluşu Azərbaycanda struktur olaraq niyə fəaliyyət göstərməlidir?
Azərbaycanın Rusiyada belə strukttura sahib olan hər hansı informasiya orqanı yoxdur. Nümayəndəlik səviyyəsində fəaliyyətlə redaksiya tipli fəaliyyət başqa-başqa anlamdadır. Ona görə də “Sputnik”in fəaliyyətinin dayandırılması vacib məsələdir”.
Rəfail Becanov qeyd edib ki, “Sputnik”in Azərbaycanda fəaliyyəti informsiya resursundan çox kəşfiyyat və təbliğat xarakterli olmaqla, milli maraqlarımızla uzlaşmayan fəaliyətdir:
“Hər kəs orada hələ 2019-cu ildə şef-redaktor vəzifəsində çalışan Mətin Yaşaroğlundan nələrin tələb olunduğunu xatırlayır. Başlıca tələb Qarabağ məsələsilə bağlı Azərbaycanın mövqeyinə uyğun yazıların dərc olunmaması idi. Məhz, buna görə o, istefa verdi.
Yaxud “Sputnik-Azərbaycan”ın rus dili versiyasının redaktorları olan Zülfiyə Qurbanova, Cəmilə Əfəndiyeva, Yelena Starostina və Gülzar Mustafayevanın niyə istefa verdiyi də uzaq tarix deyil. Onlardan da Azərbaycan Müdafiə Nazirliyinin “Qisas” əməliyyatı ilə bağlı rəsmi mövqeyini təkzib edən Rusiya Müdafiə Nazirliyinin bəyanatını vermək tələb olunurdu. Bunlar adi faktlar deyil, “Sputnik”in fəaliyyətinin məqsədləridir.
Bütün bunlar göstərir ki, “Sputnik”in fəaliyyəti media quruluşu fəaliyyətindən çox başqa məqsdələrə xidmət edib. “Sputnik” Rusiyada erməniləri Kremlə bağlayan bir bağdır. Ona görə də onun Azərbaycanda fəlaiyyətinə yol verilə bilməz və hesab edirəm ki, bununla bağlı ölçü götürülməli, faəliyyəti dayandrılmalıdır. Çünki bu agentlik indi də eyni məqsədlərə xidmət edir. İstər 44 günlük müharibə zamanı, istərsə AZAL-a məsxus təyyarənin Qroznı səmasında vurulması zamanı hansı mövqe tutması ilə bağlı faktlar ortadadır”.
