AzTimes.az xəbər verir ki, Ələt-Astara avtomobil yolunda hərəkətdə olan, yüklə dolu yük maşınında yanğın baş verib.İlkin məlumata görə, yük maşını hərəkətdə olarkən qəfil alışıb. Hadisə yerinə Fövqəladə Hallar Nazirliyinin əməkdaşları cəlb olunub və yanğının qarşısının alınması üçün tədbirlər görülüb.Məlumata əsasən, yanğın çətinliklə də olsa söndürülüb.Hadisə bir TikTok istifadəçisi tərəfindən canlı yayımla anbaan görüntülənib. Canlı yayım zamanı istifadəçi yük maşınının sürücüsünün həlak olduğunu bildirib.Lakin sürücünün öldüyü barədə hələlik rəsmi məlumat yoxdur. Hadisənin dəqiq səbəbləri və sürücünün vəziyyəti ilə bağlı aidiyyəti qurumların açıqlaması gözlənilir.Qeyd edək ki, Ələt-Astara yolunda əvvəllər də yük avtomobillərinin yanması ilə bağlı hadisələr qeydə alınıb.
