Faktinfo.az-a göndərilən məlumatda “Azərbaycan tələbələri” səhifəsində BDU nəzdində İqtisadiyyat və Humanitar Kolleci PHŞ-in bəzi tələbələrinin müxtəlif səpkidə narazılıqlarının müşahidə edildiyi bildirilir, kollecin baş mühasibi Vəliyevə Rəfiqə və Qeydiyyat, Qiymətləndirmə və Monitorinq bölməsinin müdiri Afaq Malıyevanın əmək məcəlləsinin 70-ci maddəsinin “ç” bəndi ilə işdən çıxarıldıqlarından, Dəftərxana müdiri Nigar Haşımlının isə ştatının ləğv olunduğundan bəhs edilir.
Xəbərdə o da qeyd edilir ki, “ç “maddəsi ilə işdən çıxardılan və ştatı ləğv olunan, hər üç şəxs BDU nəzdində İqtisadiyyat və Humanitar Kollecinin direktoru vəzifəsini icra edən Hicran Əyyubovanın qərarı ilə barışmayaraq məhkəməyə müraciət ediblər. Hər üç şəxsin məhkəməyə müraciət etdiyi sayta təsdiqlənib.
Qeyd edək ki, Hicran Əyyubova bir müddət əvvəl Tovuz Dövlət Sosial-İqtisadi Kollecinin direktoru olub. Orada da bir sıra şəxslər işdən çıxardılıb, onların yerinə başqa müəllimlər kollecə götürülüb. İşdən kənarlaşdırılan müəllimlərdən üçü məhkəməyə müraciət edib, Tovuz rayon məhkəməsi isə həmin şəxslərin işdən çıxardılmasını qanunsuz hesab edib və hər üç müəllimin işə bərpa olunmasına dair qərar çıxardıb.
