ABŞ Hərbi Hava Qüvvələri İranın mərkəzindəki Qüds şəhərində yeraltı obyektlərə GBU-57 bunker bombalarından istifadə edərək zərbə endirib. İran mənbələrinə görə, zərbə yeraltı raket saxlama məntəqəsinə dəyib.
Soztv.az xəbər verir ki, bu barədə politoloq Heydər Oğuz məlumat paylaşıb.
“ABŞ bu bombalardan daha əvvəl keçən ilin 13-24 iyun tarixində baş verən və tarixə 12 günlük müharibə kimi düşən İsrail-İran savaşında istifadə etmişdi. GBU-57A/B MOP (Massive Ordnance Penetrator) bombası ABŞ Hərbi Hava Qüvvələri üçün indiyə qədər hazırlanmış ən ağır qeyri-nüvə bunker partladıcılarından biridir və çəkisi 13.600 kq (30.000 funt) təşkil edir. “Dağda Yanan Bomba” kimi tanınan bu idarə olunan sursat xüsusilə dərin yeraltı bunkerləri və möhkəmləndirilmiş hədəfləri məhv etmək üçün hazırlanmışdır və B-2 Spirit təyyarələri ilə daşınır.
İranın Qüds şəhərinə gəlincə, Tehranın 20 km uzaqlığında yerləşən bu şəhərdə 2006-cı il siyahıyaalınmasına əsasən 230.147 nəfər yaşayır. Bu ilin 11 mart ayında da şəhərə GBU-57 bombası atılmışdı. Şəhərə bunker dağıdıcı mərmilərlə zərbə endirilməsi onu göstərir ki, orada hansısa mühüm hərbi-strateji obyekt yerləşir”, – o bildirib.
