Bəzən bir insanın böyüklüyü yalnız peşəkar fəaliyyəti ilə deyil, onun mənəvi dəyərlərə, xalqına və Vətəninə olan bağlılığı ilə ölçülür. Kardioloq Dr. Sevinc Məhərrəmova məhz belə ziyalılardandır. O, ürəkləri müalicə etməklə yanaşı, həm də insanlara ümid, yaşamaq gücü və həyat eşqi bəxş edir.Respublika Klinik Xəstəxanasında fəaliyyət göstərən Dr. Sevinc Məhərrəmova bilik, təcrübə və şəfqəti ilə yüzlərlə insanın həyatına toxunur. Bir kardioloq üçün ən böyük mükafat sağaltdığı ürəklərin ritmidir. O, bu ritmləri yenidən nizama salaraq insanlara həyatın ən dəyərli nemətini sağlamlığı və yaşamaq sevincini qaytarır. Onun fəaliyyəti yalnız tibbi xidmətlə məhdudlaşmır. Bəzən xəstələrinin ağrısını öz qəlbində hiss edir, bəzən bir ürəyi yaşatmaq üçün şəxsi rahatlığından keçir. Ümidsiz görünən anlarda belə onun sarsılmaz iradəsi, qayğıkeş münasibəti və insani yanaşması minlərlə insan üçün yeni bir başlanğıca çevrilir. İnsan ürəyi dünyanın ən incə və mürəkkəb mexanizmlərindən biridir. Bu mexanizmi etibar etmək üçün yüksək tibbi bilik , həm də böyük insanlıq, mərhəmət və məsuliyyət lazımdır. O bu keyfiyyətlərin hamısını özündə birləşdirən nümunəvi həkimdir.
Dr. Sevinc Məhərrəmovanın şəxsiyyətini ucaldan ən mühüm xüsusiyyətlərdən biri isə onun yüksək vətənpərvərlik mövqeyidir. Onun doğum günü 26 fevral tarixinə təsadüf edir. Lakin bu tarix Azərbaycan xalqının yaddaşına Xocalı soyqırımı günü kimi həkk olunduğu üçün o, doğum gününü rəsmi qeyd etmir. Bu həssas və qürurlu mövqe onun xalqımızın ağrısını dərindən hiss etdiyini, milli dəyərlərə böyük ehtiramla yanaşdığını göstərir. Bu nəcib davranış onun necə böyük qəlbə və yüksək vətəndaş məsuliyyətinə sahib olduğunun bariz nümunəsidir.Bu gün o, cəmiyyət üçün peşəkar kardioloq , həm də fədakarlığın, insan sevgisinin, mərhəmətin və Vətənə bağlılığın simvoludur. Onun əlləri şəfa verir, adı isə ətrafına sevinc və ümid yayır…
Arzu edirik ki, onun həyat yolu daim uğurlarla davam etsin. Sağaltdığı ürəklərin ritmi kimi, onun öz qəlbi də hər zaman rahatlıq, sağlamlıq və xoşbəxtliklə döyünsün. Ona möhkəm can sağlığı, tükənməz enerji, ailə səadəti və peşə fəaliyyətində yeni-yeni nailiyyətlər diləyirik.
Dərin hörmət və ehtiramla,
FİDE Kandidat Master Ülkər Bağırova
