Azərbaycanın kino sənayesində öz dəsti-xətti ilə seçilən, qısa müddətdə uğurlu layihələri ilə tanınmış Gənc MosFilm Rejissoru Tehran Osmanov bu gün doğum gününü qeyd edir.
Tehran Osmanov yaradıcılıq yoluna çox gənc yaşlarda başlayaraq artıq 9 qısametrajlı film, 3 tammetrajlı film və 6 televiziya serialının rejissoru kimi tanınmışdır. O, beynəlxalq media məkanında da fəallığı və rəhbərliyi ilə seçilərək “Beynəlxalq Medianın Prezidenti” titulu ilə dəyərləndirilmişdir.
Hazırda Osmanovun quruluşçu rejissoru olduğu, Azərbaycan ekran məkanında maraqla gözlənilən “13-cü MADDƏ” serialı isə tamaşaçılara tam fərqli üslub, retro mafiya janrında yeni nəfəs bəxş edəcək. Serial həm mövzu aktuallığı, həm də sənətkarlıq baxımından diqqət çəkir və artıq yayıma girmədən tamaşaçılarda böyük maraq doğurub.
“Söz TV” kollektivi olaraq, gənc yaşında böyük uğurlar qazanan və kino sənətimizin inkişafına mühüm töhfələr verən Tehran Osmanovu səmimi qəlbdən təbrik edir, yeni yaşında bol yaradıcılıq nailiyyətləri və uğurlu layihələr arzulayırıq
