2025-ci il ŞƏT-də Davamlı İnkişaf İli elan olunub və bu istiqamət Azərbaycanın da əsas prioritetlərindən biridir.
Soztv.az xəbər verir ki, bunu Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev Şanxay Əməkdaşlıq Təşkilatının (ŞƏT) sammiti çərçivəsində Çinin “Sinxua” agentliyinə müsahibəsində deyib.
Onun sözlərinə görə, Çinin inkişaf modeli və nailiyyətləri bütün inkişaf etməkdə olan dövlətlər üçün nümunədir:
“Azərbaycan və Çin ticarət-iqtisadi əlaqələri inkişaf etdirməklə yanaşı, davamlı inkişaf, süni intellekt, bərpa olunan enerji və rəqəmsal transformasiya sahələrində də əməkdaşlıq üçün böyük potensiala malikdirlər. Çin texnologiyaların əlçatanlığını Qlobal Cənub ölkələri üçün təmin edir.
Prezidentin köməkçisi vurğulayıb ki, Azərbaycan Orta Dəhlizə – Transxəzər Beynəlxalq Nəqliyyat Marşrutuna xüsusi əhəmiyyət verir:
“Bu dəhliz həm də Çinin “Bir kəmər, bir yol” təşəbbüsünün bir hissəsidir və Bakı ilə Pekin arasındakı əməkdaşlıq bu marşrutun daha səmərəli istifadəsinə imkan verəcək”.
